積金易登記體驗與全自由行

積金易登記體驗與全自由行

 

 

本文討論一下近期強積金的三大發展：

 

1. 全自由行

 

強積金一直被人鬧自由度低，最早期的強積金由僱主決定強積金計劃，僱員冇say，唔知計劃內容有咩嘢，只有供款。而僱主選擇計劃時通常求其就手，又或者睇下有冇著數，並非全然為僱員著想。

之後好少少，例如某些大僱主會選擇幾個計劃給僱員選擇，又或者容許僱員每年轉一下以後供款計劃，但已有供款依然被鎖死於過往已供款的計劃。

跟住出現半自由行，積金局於2012年推出「僱員自選安排」，俗稱「強積金半自由行」，僱員可以每年轉換僱員強制性供款部份去任何一個計劃，不用被僱主所選擇的計劃鎖死。

到2025年，積金局提出全自由行，即是連僱主強制性供款部份都可以由僱員自行選擇計劃，本文成文之日仍是咨詢階段，具體操作大致如下：

 

 

 

 

 

總之都係每年有一次轉換機會，可以同僱員供款部份的計劃一樣又得，另外選擇一個計劃又得。究竟幾多個計劃好？筆者10年前已經講兩三個計劃最靈活。

 

至於僱主及僱員自願性供款部份的自由行，則未有時間表。

 

 

2. 減收費

 

積金局成日講eMPF積金易推出之後因為綜合左行政工作可以有減收費嘅空間，所以都要做啲嘢。在2025年eMPF陸續覆蓋全部強積金計劃之後，2026年便有減收費的舉動。

最易入手是預設投資策略下的兩隻基金，即是核心累積基金與及65歲後基金，這些基金由法例產生，有指定的收費上限(0.95%), 所以比較容易由積金局控制收費。

具體是於2026年各計劃陸續減收0.1%收費，即是最高可收0.85%, 點解積金局講一句就可以減一成收費？因為有水位囉。

 

基金收費有部份是用於開支，例如郵遞費用，這些開支不是由搞手/投資經理/受託人/行政人全數落袋。而預設投資有0.2%空間放於這些開支，所以當eMPF實行之後，積金局便先向這0.2%開刀，減去一半的0.1%，將整體預設投資策略的收費於2026年由最高0.95%下降至0.85%。

 

至於下一步下調收費的空間，可能由行政部份入手，例如積金局/eMPF公司的收費部份，又或者日後加設投資經理按表現收費，又或者按資產值/忠誠度/使用服務程度減收費等等。

 

 

 

3. 加入eMPF

 

2025年是eMPF發展的高峰期，各大計劃都陸續加入eMPF，而各打工仔都要申請建立eMPF戶口，以便於eMPF戶口去控制各計劃的帳戶，而各計劃原來的管理界面會陸續關閉，轉晒由eMPF作為統一界面。

好複雜？簡單黎講就係按以下時間表去申請一個eMPF戶口：

 

行業計劃暫時未有時間表

 

• 以筆者個人經驗，最簡單是先登入或申請智方便戶口，以驗證個人身份，再於申請eMPF戶口時以智方便去驗證身份。
• 原因是智方便是香港政府眾多服務的身份驗證工具，例如交稅，車牌等等，其實等於電子身份證，遲早都要持有。
• 當整好智方便之後，申請eMPF戶口簡單好多，過程少啲機會出現error 。
• 當eMPF透過智方便驗證左身份之後，就會出現eMPF戶口號碼，但呢個咁長嘅eMPF戶口號碼係唔會有人記得，所以eMPF容許自設登入名稱，這個登入名稱不是登入密碼，以自己容易記得為佳。
• 跟住就係輸入登入密碼，手提電話號碼及電郵地址，日後登入eMPF除了輸入登入名稱及登入密碼(通常已儲存於瀏覽器) 之外，亦要透過2FA將一次性驗證密碼透過手機或電郵send俾你。

 

成功登入eMPF之後，理論上會見到所有已經加入eMPF的計劃，未見到嘅就等多幾個月。

 

 

 

 

如果登入唔到原本計劃的網頁/app，應該就係正在/已經轉去eMPF。所以按住時間表申請一個eMPF戶口先，隨住有好多細計劃已經加入eMPF，相信之前啲bug 或者不暢順已經陸續解決，最困身可能係與僱用條件掛勾的自願性供款，因為各公司各人隨年資都各有不同，打工仔要自己睇實頭一年啲自願性供款銀碼啱唔啱，每個月同糧單對一對。

 

至於抵免長期服務金之類的操作，其實同強積金戶口內的資產無關，只係離職時有冇其他補償，詳細按各人情況自己計算。

 

 

 

小結

 

總之，2025年要setup自己個eMPF戶口，識得自己login自己eMPF戶口，有透過2FA取得一次性驗證密碼，成功登入後玩下個eMPF系統，知道點樣轉換已有基金及未來供款的投資配置，睇到供款及結餘，已經ok。下一年(2026)當所有計劃加入晒eMPF之後先諗下整合定係轉移計劃。