派息12厘息的基金中基金
通常散戶的投資周期是這樣的：升市時雄心壯志，股神上身，點石成金，魚翅撈飯；跌市時就衰神上身，世界末日；谷底之後有返啲起色，就極度保守，買下啲收息股算啦，但到選擇收息股時，又要求高息，於是見到十幾厘息就最開心。
本文就討論一下一隻12.3%利息的美股，看看高息是怎樣煉成的，同時背後又有什麼風險。
這隻高息股編號是YYY, 名叫Amplify High Income ETF，自2013年已經上市，年紀超過10年，以下是過往派息歷史：
擁有10年以上長期穩定月月派息歷史，咁正，隻股票做咩嘢嘅呢，原來YYY 係一隻ETF，仲要係一隻fund of fund。
“基金中基金” 是英文fund of fund直譯，即是基金的持有物亦是基金，其實強積金成份基金十居其九都是fund of fund, 所以有人說自己都識買恆指基金，洗鬼係強積金買港股成份基金，俾啲基金佬賺收費。
呢隻YYY 其實持有40幾隻基金，這些基金是CEF (closed end fund) , 即封閉式基金。CEF 與ETF 及mutual fund 不同之處，就是CEF 一上市之後就不接受新資金，不像ETF 及 mutual fund 會新增(或減少) 基金單位去對應市場需求，即是CEF 的股價市價(spot) 與其基金資產市值(NAV or IV)會容易有差價，即premium 高水或discount 低水。
筆者留意呢隻YYY 嘅主要原因，唔係貪高息想買，而係想睇下佢點樣揀CEF，因為呢隻YYY 都係有用Factor investing 內yield 這個因子與及 tactical asset allocation 嘅概念去分配資產於不同CEF。
見上，YYY 會分析美國上市的CEF，然後打分，再抽出分數最高的45隻CEF 作出資產配置。打分有3大原則：
1. CEF 的派息；
2. CEF 的高/低水情況；
3. CEF 的成交量。
單一持有的CEF 不會多於3%總體資產。
由於CEF 大多用槓桿去倍大回報，而且CEF 的投資對象大多是high yield 的債券或REIT 之類，所以2022年加息，債券或定息產品就大跌，加上槓桿，CEF 回報可以是負幾十%，但一加完息，開始減息，CEF 就會多人留意，原因就是本文開始所描述的現象。
這隻YYY 頭幾大持有物都能提供10%利息以上的派息，但這些派息有部分是本金，所以每次派完息，股價就下跌。
但好多散戶不知就裏，求其screen 一下見到派高息，仲派左好多年，以為好正，但其實YYY 自2013年出世至2023年，年均回報只有4.5%, 即是等於長期high yield 的債券6.5%回報減去基金收費2%的結果，中途會出現賺息蝕價。
但筆者都有興趣它的選CEF 原理及結果，可以幫自己增加一些知識及市場訊息，因為減息期正是CEF 價格上升的周期。
至於點樣去徹底分析基金，Portfolio Visualizer 有好多功能可以幫到手，如果唔識用Portfolio Visualizer, 可以參加2024年 MPFDIY 分享會，詳情如下：
2024年活動：
<打造長勝強積金>出版之後，多了讀者詢問Portfolio Visualizer (PV) 的操作，筆者發覺原來市面上很少詳細講解PV 各種功能，頂多只是股債混合配置這個初級入門backtest portfolio分析功能，PV 內其他5個功能，尤其是TAA 功能，甚少人提及。
所以筆者有個想法，就是於2024年搞一個PV 研習活動，大約用10次聚會時間去詳細將PV 內每一功能逐一拆解，另會分享多個實用例子。
有興趣的可以填寫以下Google form，留意活動會收費去幫補MPFDIY 及MPFier 的發展。
https://forms.gle/p7B2uGo61QiYxDAf7