用到老的TAA
錢係一樣好多人都好有興趣嘅事，所以可以「錢生錢」嘅投資活動，好多人都會參與。
退左休之後時間多，手上又有啲退休金閑置，隔離屋又或者身邊班老友成日話邊隻股票上午買下午賺幾多，於是就跟人買買賣賣，結果多數贏粒糖，輸間廠。
前幾年因疫情關係股債大跌，少左人留意投資，但近年股市又興旺，youtube都多左KOL講股票。
入市唔係唔得，但唔好重蹈覆轍，人愈老愈要控制風險。
如果按筆者9年前提倡的「10減年歲」(見此) 作為波幅考慮，退休後人士的合適按月波幅大概為1%至3%，單單買賣股票完全唔合適，股票按月波幅遠超3%.
所以要將資產加入多些低波幅類別，例如債券，令整體資產的波幅下降至1%至3%, 適合自己的風險胃納。
低波幅就要面對低回報，但人就係貪心，點算？於是有人研究運用Tactical Asset Allocaton (TAA) 幫下控制波幅之餘，提升一下回報。
延續上文關於GTAA，以下用一個 50%股票+ 40%債券+10%黃金 的資產配置，加入最簡單的TAA技巧，應該所以退休人士都可以一學就會，然後自行操作。
https://www.portfoliovisualizer.com/tactical-asset-allocation-model?s=y&sl=70iMsuiWcJMK4gMxNpLun0
呢個TAA策略考慮股票，債券，黃金各自的200日移動平均，當資產價格高於200日移動平均線，便按：50%股票+ 40%債券+10%黃金 比例持有。每月檢討一次。
如果某一類別低於其200日移動平均線，下月就將該類資產賣出，轉去現金。例如股票低於平均線，便將資產配置成50%現金+ 40%債券+10%黃金。
由1987年至2025年近38年的歷史表現，年均回報keep住有近8%，按月波幅只有1.75%，最大跌幅為-11.77%，38年歷史已經經歷了幾個經濟周期，面對近世代所有股災戰爭政治事件都「味温ti」。
呢個TAA仲有一個好處，就係即是無跟住每月轉，只用50%股票+ 40%債券+10%黃金 長揸buy and hold的話，只係跌幅多啲去到-21.77%，長期年均回報都一樣有8%，按月波幅2.32% 都可以去到7/80歲。
此外，200日這個設定可以自行調校，持有ETF (如SPY, IEF, IAU)比起持有mutual fund會有更低基金開支，買賣更靈活。
小結
呢啲咁簡單嘅TAA，已經可以用到老，唔駛成日睇市，長期有效，7成時間賺錢，38年內只有5年負回報，最大跌幅10%左右，瞓得著覺。
年輕人或初學投資者更應作為第一步使用，當熟習後再尋找更深入變化及操作。強積金情境沒有單純黃金，只有多少少進階操作才可以達到長期8%回報，記得8%年均回報已經可以單靠強積金退休。