如何避免爆倉
2025年10月10日是crypto世界的黑色星期五，當日因為中國要管制全世界的稀土使用，於是美國計劃向中國加徵100%關稅，令美股於星期五尾市急跌，更令crypto世界出現黑天鵝，Bitcoin剛剛幾日前(10月6日)出現 all time high之後，2025年10月10日突然1小時之內下跌15-20%，引發二哥ETH及其他山寨幣alt coin斷崖式下跌，有些較出名的alt coin如SUI, ATOM有超過80%跌幅。這現象被稱為「插針」。
這些跌幅是由於槓桿式投資爆倉，即資不抵債而被強制清算所致，加上事發時亞洲是早上清晨時份，大多數亞洲crypto投資者仲瞓緊覺，無機會補倉，好多炒家一覺瞓醒手機狂震，然後倉位冇晒歸零。
有統計顯示當日全世界有160萬個戶口爆倉被清算 liquidated，合計超過190億美金，是crypto史上最大的單日清算，之前一些大跌市事件如FTX執笠，Luna爆煲，COVID等等都只有10億美金左右的爆倉規模，是2025年10月10日黑色星期五的廿分之一。
幸好市況迅速於1小時內大幅回復，現貨沒有槓桿的投資人只有10幾%跌幅，不算太特別。
有啲人認為自己可以控制槓桿，跌市時止蝕就走得切，如果是傳統投資市場如股票及債券可能是對的，因為傳統市場有很高流動性，有很多持不同觀點的投資者，資訊流通，有熔斷抖下氣冷靜一下，有交易時段，唔駛24小時睇盤或者瞓緊覺俾人攻擊。
但crypto世界是「幣圈一日，人間十年」，一個「插針」可以將10年儲蓄化為烏有。
想「插針」出現時唔爆倉，除左唔槓桿用現貨之外，就係控制槓桿倍數。有啲人以為自己唔係開10倍槓桿，只係少少地1-2倍，點知買左跌超過30-50%嘅alt coin，一樣即刻爆倉歸零。
咁究竟有冇最佳槓桿比例而唔爆倉，又有槓桿下嘅高回報呢？答題就係Kelly Criterion凱利準則，見本站9年前文章：
https://www.mpfdiy.com/?s=Kelly
Kelly criterion 凱利準則
再重温一次Kelly Criterion: 槓桿會將投資回報提升，同時更令波幅volatility大增，當槓桿倍數大過optimal Kelly (回報/波幅^2)，槓桿後嘅回報會不升反跌，當槓桿是twice Kelly時，長期回報等於零，之後再高的槓桿比率，回報便是負數，等於爆倉。
所以，唔想爆倉的話，於先要用回報及波幅去計算optimal Kelly。
本站讀者對回報及波幅冇可能唔識，用於計算optimal Kelly嘅波幅要同回報同一時間間距，如果用年均回報的話，就用按年波幅。
計左optimal Kelly之後，唔好即刻按此數值開槓桿，因為優化計算往往太理想太完美，但現實世界唔係咁，所以實際操作大多只用half Kelly ，即係將optimal Kelly / 2。
用上圖ETH作例子，年均回報371.9%，按年波幅151.28%，optimal Kelly = 371.9%/(151.28%^2) = 1.625， 即係最高是1.6倍本金的倉位。但在half Kelly之下，只能是0.8倍本金， 即是80%本金買ETH，20%持現金或零風險投資。
但這只是單一投資物的風險管理，個人嘅整體portfolio management要先從個人風險承受能力或最大跌幅去制定個人portfolio 的波幅(見此)，然後才考慮一下crypto於portfolio內的資產比例，與及用唔用槓桿。
千萬唔好以為自己睇左幾條Youtube片，聽完乜嘢劃線/頭肩頂/雙底/price action/support之類亂噏，跟住用contract開5-10倍crypto，這不是投資而係自殺，仲以為自己輸俾CEX/巨鯨/CZ/Barron Trump，太睇高自己，其實只係唔識最基本嘅回報及波幅計算，唔識Kelly Criterion，on9地開槓桿大於兩倍optimal Kelly，爆倉只係遲早嘅事。